de Historie vaan 't Pruuske
Nederlandse versie   klik links op de knop voor de NL-versie
(Rieksmonnumént 27767, Hoegbrökstraot 9, Mestreech)
In 1897 weurt aon de eigeneer vaan 't pand Hoegbrökstraot 9 in Wieck, de veurmalege browwersknech Johannes Raadschilders 'ne vergönning verliend
veur 't oetbate vaan 'n oetspanning en koffiehoes aon de Hoegbrökstraot 9.
Begin 20e ieuw weurt aon de eigeneer, 'n tapvergunning verliend. De zaak krijg daan de naom: "Café Raadschilders".
Jaore later, in 1942 neump de dochter vaan Raadschilders, Anna, de kaffee vaan häör awwers euver.
Häöre maan Willy Biergans, dee vaan Duitse oorsprong is, en werrekzaam es zelfstandeg moulemeker in Wieck,
neump nao häör euverlije in 1950 't kaffeebedrief euver, ouch umtot heer toen veur zijn twie zäöns moos goon zörrege.
Al hiel gaw weurt daan in de Wiecker volleksmond gesproke vaan:
"Veer goon us eine drinke bijj de Pruus", of "bijj 't Pruuske." gezeen de lengde van Willy.
In 1978 neump de zoon vaan Willy Biergans, Jo, nao 't euverlije vaan zien 80 jaorige pa op 31 oktober 1978,
de kaffee euver en nao een groete restauratie vaan 't pand in 1979 krijg de zaak offisjeel de naom: "Café ’t Pruuske".
Op 15 augustus 1986 kömp Jo Biergans (* 21--1-1936) inins te overlije.
Aongezeen zien broor gein intrčsse heeft in de kaffee (heer werrek es lieraar aon de Haagse hotelsjaol),
weurt de kaffee verkoch aon de de Wiecker femiliebrowwerij de Ridder,
dee op zien beurt 't és "gouwe Handdrök" sjink aon Sjarel van Aubel bij zien aofsjeid es (mede)dirrektäör van de browwerij.
Ed Niesten en Lex Leltz weure in 1987 de nuije oetbaters.
Lex Leltz geit al snel zien eige weeg, aongezeen de samewerreking met zien compagnon neet ech op rölkes luip.
Inkele jaore later kuip Ed Niesten 't pand van van Sjarel van Aubel.
In 2006 stoppe Ed en Noëlle nao zoe'n 20 jaor met de exploitatie en
Roger en Anita Ravesteijn weure tot 1 aprčl 2012 de nuije oetbaters.
Op 7 aprčl vaan 't zellefde jaor goon Kristel en Sven Walraven de kaffee exploitere.
Dit is mer vaan korte duur. Haaf oktober 2014 stop de nuije oetbater onverwachs de exploitatie.
In 2015 zeuke Eugčne Sieben en Jolanda Kicken, eigenare van kaffee Wyck, een nuije oettdaging
en beslute kaffee 't Pruuske weer nuij leve in te bloze.
Op 1 aprčl 2016, nao 'n grondige opknapbeurt heropene zie weer de aidste kaffee vaan Wieck.


klik op 't buimke    veur 't euverziech